文章分類: Project (大狗◎生命)

談與屋企人的關係

stanleyw86 — Thu, 06 Aug 2009 09:22:02 +0800

事源....
最近呢一兩個星期，因為唔同的理由同老豆老母嘈。可能係我唔o岩又可能因為我最近躁。但係我開始有同父母斷絕關係的念頭，我知咁做係好唔應該亦好唔孝順。所以我想用這篇文章來探討一下我將來對屋企應該用乜野的方法同態度。

以下係我對各屋企成員的觀感和相處方法

stanleyw86 — Thu, 30 Jul 2009 11:11:08 +0800

這是我減肥開始後的最後一罐可樂

響戒菸行動進行得火熱o既時候，又開始我o既減肥大計。點解我會話「又開始」呢？因為其它我人生中試過二次的減肥，二次都好成功，最後一次減肥係幾年前用兩個月由220lbs減至180lbs。

咁點解今次要減呢？因為自從識左女朋友之後，勁食野的壞習慣又返番黎。所以小弟現在係有.......250lbs(仲重過以前....史上最重之大狗寶)

有圖有真相...唉真係自己都冇眼睇

唔係講笑，真係重到爆燈

stanleyw86 — Mon, 20 Jul 2009 02:30:52 +0800

由中學開始學人食煙，以為自己好型。仲成日笑人食煙係打煙炮都冇吸入肺。結果一路食煙食到廿幾歲。o個時大約兩日一包到啦。最後因為失業冇野做，成日響屋企又懶落街買，所以就咁就戒啦。

可惜故事仲未完結，響幾年前我番份新工，響衣車公司做Sale。老闆好鍾意成日捉我入去吹水，一吹就粒幾鐘，佢次次響我面前係咁煙駁煙咁食，呢樣都唔緊要。最慘係佢次次講D野都係三幅皮。不斷重覆又重覆；Repeat又Repeat，咁最後我咪唯有食埋一份。如果唔係我真係驚我會立即睡著。