這是我減肥開始後的最後一罐可樂

響戒菸行動進行得火熱o既時候，又開始我o既減肥大計。點解我會話「又開始」呢？因為其它我人生中試過二次的減肥，二次都好成功，最後一次減肥係幾年前用兩個月由220lbs減至180lbs。

咁點解今次要減呢？因為自從識左女朋友之後，勁食野的壞習慣又返番黎。所以小弟現在係有.......250lbs(仲重過以前....史上最重之大狗寶)

有圖有真相...唉真係自己都冇眼睇

唔係講笑，真係重到爆燈

好入正題...我的減肥....
目標係 250 --------->180lbs
時間係 越快越好，費時比壓力自己日日上磅<----費話

點樣減？
之前睇過好多減肥書、營養書。減肥有千千萬種方法。之前我都會自製三文治，飲下減肥茶咁樣。但係今次我會用最簡單的方法。

肥 = 輸入(食野) > 輸出(運動) ; 瘦 = 輸入(食野) < 輸出(運動)

係咪好費o既費話呢，冇錯就係咁簡單。減小輸入；增加輸出。如果想減肥減得簡單其實好簡單，就係咁好攪咁多「花神」。越多花招你越煩同越大壓力，其實你只需要改變你的習慣同心態就可以。等我用自己做過實驗比大家睇啦。

階段一 20/7 ~ ??
減少食量，除三餐儘量唔好食其它野。食野係食到唔餓就算
記住係減少而唔係唔食野。唔食野減肥係冇用o既，切記！因為當你唔食野o既時候，身體會自動減少新陳代謝的速度，到時你個人手軟腳軟無力做野之餘，真係飲水都會肥。

階段二 28/7 ~ ??
平時食飯時飲綠茶，其它時間只飲水
其實我地平時飲o個D乜野可樂呀、橙汁...超多糖，一來易肥之餘，飲得多分分鐘攪到糖尿病。之於o個D健怡可樂、低糖檸茶呀...其實都係等你個心好過D，一樣咁鬼肥。

---------------------------------------------------------------------------------------------------

階段三 3/8 ~ ??
開始做運動 -> 行山 , 游水 , 獨木舟