這是我減肥開始後的最後一罐可樂

響戒菸行動進行得火熱o既時候，又開始我o既減肥大計。點解我會話「又開始」呢？因為其它我人生中試過二次的減肥，二次都好成功，最後一次減肥係幾年前用兩個月由220lbs減至180lbs。

咁點解今次要減呢？因為自從識左女朋友之後，勁食野的壞習慣又返番黎。所以小弟現在係有.......250lbs(仲重過以前....史上最重之大狗寶)

有圖有真相...唉真係自己都冇眼睇

唔係講笑，真係重到爆燈

不如先講講今次法國之旅的行程先

23/7
01:00p.m.到醫院 check-in <-----唔知可唔可以咁叫
03:00p.m.做磁力共振，睇下條大陣有冇事
09:00p.m.醫生巡房時話我乜事都冇

~~~~~~~~~漫漫長夜~~~~~~~~~~~

24/7
11:00a.m.做物理治療
12:00p.m.出院~~~~

一入到醫院，首先去到住院登記處。個職員一輪嘴講哂佢要講o既野之後，就會叫你比錢先。然後就會叫個阿姐送你上房。上到房之後就會將你交比護士。

小弟入院的要用的文件

前幾日撞車的事諗住已經好黑仔，點之原來黑開有條路。自從撞車o個日之後，隨住時間流逝，我就發覺我有越來越多傷痕。除左隻手擦傷之外，至大鑊就係撞傷條大「陣」<-尾龍骨，原來諗住小小痛抖番兩日應該冇事，點之事實係越來越痛。依家十足成個大肚婆咁，成條腰硬哂軚。最後睇完醫生仲要第二日入廠做磁力共振。今次真係大檸樂。

註：因為小弟自懂性後第一次入醫院，都係冇乜經驗，到時我撞左D乜野板又或者見到D乜野新奇野再同大家報告。

由中學開始學人食煙，以為自己好型。仲成日笑人食煙係打煙炮都冇吸入肺。結果一路食煙食到廿幾歲。o個時大約兩日一包到啦。最後因為失業冇野做，成日響屋企又懶落街買，所以就咁就戒啦。

可惜故事仲未完結，響幾年前我番份新工，響衣車公司做Sale。老闆好鍾意成日捉我入去吹水，一吹就粒幾鐘，佢次次響我面前係咁煙駁煙咁食，呢樣都唔緊要。最慘係佢次次講D野都係三幅皮。不斷重覆又重覆；Repeat又Repeat，咁最後我咪唯有食埋一份。如果唔係我真係驚我會立即睡著。

本來唸住今日開始實行我o既戒菸大計...減肥大計....搵工大計，點之就係呢個時候，撞左我人生的第一次車，吹左我人生中第一次波波。

響唔知要洗幾多錢的情況下，寫左我正式的第一篇文章。今次真係開Blog大吉囉！
呢單野都唔知要煩幾耐...唉.......。

響道要同比我撞o個個車主，講聲唔好意思。都唔知係你黑仔D定係我黑仔D

部車個頭比我撞爆左

正所為人到中年，一定鍾意回憶下呢樣回憶下o個樣。但係只可惜我的記性奇差，攪到個人想懷舊下都唔得，情形係好似得登山長水遠想落街食支煙，點知落到街先發覺記得帶煙但唔記得帶火機。

所以唯有依家死死地氣開始開Blog，希望當人到老年的時候(PS:如果有咁長命o既話)，人生都叫做有番D渣「拿」啦。